16 лiстапада 2026, панядзелак, 21:49
Падтрымайце
сайт
Сім сім,
Хартыя 97!
Рубрыкі

Першы фрагмент новага «Гары Потэра» выклікаў хвалю абурэння ў сеціве

Першы фрагмент новага «Гары Потэра» выклікаў хвалю абурэння ў сеціве
Фота: HBO

Прэм'ера серыяла запланаваная на Каляды 2026 года.

Першы фрагмент новага серыяла «Гары Потэр» выклікаў хвалю абурэння ў сеціве. На гэта звярнула ўвагу выданне Independent.

Карыстальнікі сацсетак раскрытыкавалі «плоскую карцінку», нізкую кантраснасць і візуальныя эфекты ў роліку, дзе вучні школы чараўніцтва Гогвартс паказаныя на банкеце разам з дырэктарам школы Альбусам Дамблдорам (Джон Літгау).

«Персанажы літаральна падобныя на касплэй. Няма адчування чараўніцтва. Усё цьмяна асветлена і наганяе смутак, не выклікае радасці», — пішуць яны.

Іншыя адзначаюць, што ролік падобны на праект, створаны штучным інтэлектам, а таксама на рэкламу фастфуду або страхавой фірмы.

HBO паказала сцэну з новага серыяла напярэдадні. Прэм'ера «Гары Потэра» запланаваная на Каляды 2026 года. У праекце таксама задзейнічаныя Дамінік Маклаўлін (Гары Потэр), Арабэла Стэнтан (Герміёна Грэнджэр), Аластэр Стоўт (Рон Уізлі), Джанет МакТір (Мінерва МакГонагал), Паапа Эсьеду (Северус Снэйп) і іншыя.

Напісаць каментар

Таксама сачыце за акаўнтамі Charter97.org у сацыяльных сетках

▲