Паўла Севярынца затрымалі і вязуць у міліцыю
9- 13.06.2018, 18:10
- 16,775
Палітыка вязуць у Бараўлянскі аддзел міліцыі.
Пра гэта напісала яго жонка Вольга, паведамляе «Белсат».
Тэлефон актывіста недаступны. Вольга Севярынец спадзяецца, што яго вызваляць праз тры гадзіны, як рабілі раней. У палітыка 14 чэрвеня працэс а 14:00 у судзе Савецкага раёна за пратаколы, якія на яго склалі падчас акцый пратэсту ля рэстарацыі «Паедзем паядзім».
Сёння ён таксама ехаў у Курапаты, бо ў ноч на 13 чэрвеня невядомыя зламалі і павалілі крыжы, якія абаронцы Курапатаў выставілі каля праезду ў рэстарацыю «Паедзем паядзім» праз ахоўную зону. Актывісты падазраюць у хуліганстве работнікаў комплексу і збіраюцца аднаўляць крыжы.