Заўтра ў Беларусі чакаецца да -12°С

У асобных раёнах на поўначы краіны пройдзе невялікі снег.

Воблачна і да 12 градусаў марозу чакаецца ў Беларусі 7 лютага, паведамілі БелТА у Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У чацвер чакаецца воблачнае з праясненнямі надвор'е. Пераважна без ападкаў, толькі ў асобных раёнах на поўначы краіны пройдзе невялікі снег, мокры снег.

Уначы і раніцай месцамі чакаюцца слабыя туман і галалёд. На асобных участках дарог галалёдзіца. Вецер паўночна-заходні з пераходам на паўднёвы ўначы слабы, удзень 4-9 м/с, парывы могуць дасягаць 12-14 м/с.

Тэмпература паветра ўначы складзе 2-8 градусаў марозу, на ўсходзе пры праясненнях - мінус 9 - мінус 12, удзень сіноптыкі прагназуюць ад мінус 3 да плюс 3.