Актывістку «Еўрапейскай Беларусі» ўзнагародзілі украінскім крыжом «За годнасць у палоне»
9- 11.06.2021, 18:21
- 13,300
Паліна Шарэнда-Панасюк удастоеная ўзнагароды за мужнасць у лукашэнкаўскім судзе.
Актывістка грамадзянскай кампаніі «Еўрапейская Беларусь» Паліна Шарэнда-Панасюк узнагароджаная ва Украіне знакам народнай павагі, крыжам Пятра Калнышэўскага «За годнасць у палоне».
Крыжам Пятра Калнышэўскага «За годнасць у палоне» ўзнагароджваюцца грамадзяне Украіны ці замежныя грамадзяне, якія былі ўзятыя ў палон і не адступілі ад прысягі, праявіўшы ўзор мужнасці і нязломнасці перакананняў.
Нагадаем, лукашэнкаўскі суд незаконна асудзіў актывістку «Еўрапейскай Беларусі» Паліну Шарэнда-Панасюк на два гады калоніі. У судзе яна выступіла з гістарычнай прамовай. Пасля таго, як так званы суд абвясціў прысуд, яна дастала плакат «Самазванец, убывай».