З'явілася відэа абмену Анджэя Пачобута на польска-беларускай мяжы
1- 23.10.2026, 11:39
- 1,984
Фота: lookby.media
Гістарычныя кадры.
Агенцтва ўнутранай бяспекі Польшчы (ABW) 23 кастрычніка апублікавала відэа абмену зняволенымі паміж Польшчай і Беларуссю, у выніку якога на волю выйшаў журналіст Анджэй Пачобут. Абмен адбыўся яшчэ ў красавіку.
Запісы ў ABW паказалі напярэдадні эфіру: спецслужба прыме ўдзел у праграме «Новая халодная вайна» на польскім тэлебачанні, выпуск выйдзе 25 кастрычніка.
«Мы падзяліліся фрагментамі відэазапісаў з месца правядзення аперацыі, а супрацоўнік ABW распавёў пра закулісныя дэталі абмену і спецыфіку падобных аперацый», — растлумачылі ў ведамстве.
Нагадаем, 28 красавіка Беларусь і Польшча правялі абмен затрыманымі па формуле «пяць на пяць» у пункце пропуску «Баброўнікі» (з беларускага боку — «Бераставіца»). Сярод тых, каго перадалі Польшчы, быў і палітвязень Анджэй Пачобут.
🎥 Funkcjonariusz ABW przed kamerą❓
To rzadki widok.
Tym razem zdecydowaliśmy się zrobić wyjątek. Nie bez powodu.
28 kwietnia br., podczas wymiany więźniów między Polską a Białorusią, wolność odzyskał https://t.co/9IR5jL9gTr. Andrzej Poczobut. @ABW_GOV_PL odegrała kluczową rolę w przygotowaniu i przeprowadzeniu tej operacji.
I właśnie tej wymianie poświęcony jest nasz udział w programie @RaportSpecjalny, zatytułowanym „Nowa zimna wojna”.
Udostępniliśmy fragmenty nagrań z miejsca działań, a funkcjonariusz #ABW opowiedział o kulisach wymiany i specyfice takich operacji.
📺 TVP Info
🗓️ Niedziela, 25 października | 20:15
— ABW (@ABW_GOV_PL) October 23, 2026
У лютым 2023 года суд у Гродне прысудзіў Анджэя Пачобута да 8 гадоў калоніі па артыкулах аб распальванні варожасці (частка 3 артыкула 130 КК) і закліках да дзеянняў, накіраваных на прычыненне шкоды нацыянальнай бяспецы (артыкул 361-3 КК).
Анджэя некалькі разоў змяшчалі ў ПКТ у Наваполацкай калоніі. У зняволенні ён моцна схуднеў, перанёс аперацыю па выдаленні язваў на скуры. У кастрычніку 2025 года ён завочна атрымаў Прэмію Сахарава, у лістападзе ён атрымаў найвышэйшую ўзнагароду Польшчы — ордэн Белага Арла.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
