Дональд Туск: Я не дазволю вывесці Польшчу з ЕЗ

Большасць палякаў па-ранейшаму хоча быць часткай Еўрапейскага звязу.

Прэм'ер-міністр Польшчы Дональд Туск адрэагаваў на словы старшыні партыі «Права і справядлівасць» Яраслава Качыньскага пра Польшчу ў Еўрапейскім звязе, перадае Polskie radio.

«Калі яны чытаюць вынікі апытанняў, якія паказваюць, што пераважная большасць палякаў па-ранейшаму хоча быць часткай Еўрапейскага звязу і падтрымлівае нашае сяброўства ў ЕЗ, яны пачынаюць адступаць і спрабуюць схаваць свае сапраўдныя погляды і перакананні. Але час ад часу яны не вытрымліваюць і шчыра прызнаюцца, што насамрэч мараць пра выхад Польшчы з Еўрапейскага звязу і нават пра распад усяго Еўрапейскага звязу, а таксама пра тое, каб наша краіна зноў, як гэта ўжо не раз здаралася ў гісторыі, апынулася ў трагічнай адзіноце».

Выхад Польшчы з Еўрапейскага звязу стаў бы адным з найвялікшых падарункаў Маскве, дадаў прэм'ер-міністр Польшчы:

«Я не дазволю сілам вывесці нас з Еўрапейскага звязу».

Падчас выступу на форуме ў Крыніцы-Здруй 28 кастрычніка Яраслаў Качыньскі гаварыў пра неабходнасць глыбокіх змен у Еўрапейскім звязе.

«У заключных палажэннях Дагавора аб Еўрапейскім звязе і Дагавора аб функцыянаванні Еўрапейскага звязу змяшчаюцца нормы, якія вызначаюць умовы, на якіх дзяржава можа пакінуць Еўрапейскі звяз. Усё пачынаецца з перамоваў, таму трэба проста пачаць гэтыя перамовы. Жорсткі і рызыкоўны метад, але сітуацыя сапраўды настолькі дрэнная, што варта звярнуцца і да такога спосабу, калі іншыя метады не дадуць выніку», — падкрэсліў Яраслаў Качыньскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com