У Беларусі знайшлі гарадзішча эпохі Вялікага перасялення народаў

Навукоўцы лічаць, што старажытны горад згарэў у агні бітвы.

Археолагі БДУ выявілі гарадзішча, якое згарэла ў сярэдзіне I тысячагоддзя н.э., паведамляе прэс-служба Беларускага дзяржаўнага ўніверсітэта.

Рэшткі ўмацаванняў і шматлікія артэфакты знайшлі падчас раскопак на тэрыторыі археалагічнага комплексу каля вёскі Рэчкі Вілейскага раёна.

Сенсацыйную знаходку выявілі студэнты гістарычнага факультэта БДУ пад кіраўніцтвам загадчыцы кафедры археалогіі і спецыяльных гістарычных дысцыплін Паліны Курловіч.

Падчас экспедыцыі археолагі выявілі на земляным вале згарэлыя рэшткі ўмацаванняў, вакол былі знойдзеныя наканечнікі стрэл. Археолагі лічаць, што гарадзішча магло згарэць у пажары падчас бітвы.

Знойдзеныя ў слоі пажару артэфакты папярэдне датуюцца IV–V стагоддзямі н.э. — часам Вялікага перасялення народаў.

Ля падножжа гарадзішча выявілі шматлікія прадметы побыту таго часу: прылады працы з жалеза і гліны, дэталі адзення, вырабы з косці, керамічныя пасудзіны.

Даследчыкі лічаць, што знаходкі пральюць святло на побыт людзей таго часу і шляхі рассялення славян на тэрыторыі Беларусі.

Выяўленыя артэфакты вывучаць у лабараторыі музейнай справы гістарычнага факультэта БДУ. Археалагічная экспедыцыя ў Рэчках працягнецца да 28 ліпеня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com