19 верасня 2020, Субота, 21:48
Сім сім, Хартыя 97!
Рубрыкі

Наталля Радзіна просіць беларусаў патрабаваць ад уладаў разблакавання «Хартыі-97» і іншых сайтаў

46
Наталля Радзіна просіць беларусаў патрабаваць ад уладаў разблакавання «Хартыі-97» і іншых сайтаў

За нашу і вашу свабоду!

Галоўная рэдактарка сайта Charter97.org Наталля Радзіна звярнулася да беларусаў – пратэстоўцаў і страйкоўцаў:

Дарагія сябры!

Увесь свет спачатку са здзіўленнем глядзеў на нашу барацьбу, а цяпер пляскае ў ладкі Беларусі стоячы. Краіна прыйшла ў рух, але рэжым спрабуе чапляцца за рэшткі ўлады. Пасля таго як да Усеагульнай нацыянальнай забастоўкі далучыліся флагманы беларускай эканомікі і дзясяткі тысячаў малых і сярэдніх прадпрыемстваў, лёс рэжыму Лукашэнкі прадвызначаны. Аднак улада яшчэ спрабуе блакаваць распаўсюд свабоднай інфармацыі пра сітуацыю ў краіне. Ужо больш за два гады блакуецца ўладамі наш сайт Charter97.org («Хартыя-97»). У апошнія дні перыядычна спыняецца доступ і да іншых незалежных сайтаў.

Як галоўная рэдактарка сайта Charter97.org я вельмі прашу вас, беларусы, пратэстоўцы і страйкоўцы, сярод іншых важных патрабаванняў дамагацца ад уладаў спыніць блакаванне сайта «Хартыі-97» і іншых незалежных СМІ. Гэта дапаможа многім беларусам даведвацца праўду.

Асобна прашу супрацоўнікаў страйкавых прадпрыемстваў, звязаных з забеспячэннем працы інтэрнэту ў краіне: патрабуйце ад свайго кіраўніцтва спыніць абмежаванне свабоды слова.

За нашу і вашу свабоду!

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».