У аэрапортах Масквы з-за атакі дронаў адмянілі або затрымалі больш за 370 рэйсаў

Калапс працягваўся дзевяць гадзін.

У ноч на пятніцу, 30 кастрычніка, з-за атакі беспілотнікаў на Маскву ва ўсіх чатырох сталічных аэрапортах РФ адмянілі або затрымалі больш за 370 рэйсаў.

Пра гэта піша расійскі Telegram-канал Baza.

Мэр Масквы Сяргей Сабянін заяўляў, што з вечара чацвярга, 29 кастрычніка, у напрамку сталіцы краіны-агрэсара ляцелі 862 дроны, большасць з іх нібыта знішчылі на далёкіх падступах.

З-за абмежаванняў у паветранай прасторы ў аэрапорце Шарамецьева адмянілі 149 рэйсаў і затрымалі яшчэ 94, у Внукаве адмянілі 31 рэйс і затрымалі 76, а ў Дамадзедаве — 14 і 8 адпаведна.

На працягу дзевяці гадзін усе чатыры маскоўскія аэрапорты не прымалі і не адпраўлялі самалёты. Пасажыры з пецярбургскага Пулкава таксама паведамлялі пра шматлікія рэйсы ў Маскву, якія разварочвалі назад, адзначылі ў Baza.

Раней паведамлялася, што раніцай 30 кастрычніка беспілотнікі атакавалі Новакуйбышаўскі нафтаперапрацоўчы завод у Самарскай вобласці РФ, пасля чаго на тэрыторыі прадпрыемства ўспыхнуў пажар. Паводле паведамленняў мясцовых Telegram-каналаў, агонь у раёне НПЗ працягваў распаўсюджвацца, а ў горадзе па-ранейшаму фіксавалі дроны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com