Закрыццё аэрапортаў у Расіі прыносіць «Белавіі» велізарныя страты

Самалёты кружаць, разварочваюцца і сыходзяць на запасныя аэрадромы.

Прадстаўнікі авіякампаніі «Белавія» правялі прэс-канферэнцыю, прысвечаную Дню работнікаў грамадзянскай авіяцыі. Спікеры расказалі пра запаўняльнасць рэйсаў, прапрацоўку новых накірункаў, а таксама адказалі на пытанні.

Адзін з іх закрануў магчымыя выдаткі авіякампаніі ў сувязі з закрыццём аэрапортаў у Расіі падчас атакі дронаў. У «Белавіі» пацвердзілі: выдаткі сапраўды ёсць.

— Парадак велічыні ацаніць складана, але гэта велізарныя сумы. Кожны выпадак, рэйс і сітуацыя — унікальныя. Рэйс можа кружаць у зоне чакання і спальваць паліва; доўгі час стаяць у аэрапорце, чакаючы вылету; рэйс, на жаль, могуць разгарнуць, і камандзір можа прыняць рашэнне вярнуцца ў базавы аэрапорт; таксама рэйс можа сысці на запасны аэрадром з усімі наступствамі, у тым ліку фінансавымі.

На жаль, у другой палове гэтага года гэта стала [адбывацца] усё часцей. Таму нам яшчэ трэба будзе падвесці фінансавыя вынікі і ацаніць уплыў сітуацыі на кампанію, — патлумачыла начальніца службы маркетынгу і знешнеэканамічнай дзейнасці авіякампаніі Кацярына Радышэўская.

У «Белавіі» падкрэслілі: гэтыя выдаткі кладуцца на авіякампанію, у той жа час робіцца ўсё магчымае, каб мінімізаваць колькасць затрыманых рэйсаў або час затрымкі.

— Гэта нашы сённяшнія рэаліі, і нам застаецца толькі рабіць усё магчымае, каб мінімізаваць нязручнасці для пасажыраў. Мы дзякуем за разуменне сітуацыі.

Нагадаем, на дадзены момант «Белавія» выконвае прамыя рэйсы ў 9 гарадоў Расіі: Масква, Санкт-Пецярбург, Калінінград, Казань, Сочы, Екацярынбург, Мурманск, Махачкала, Уфа. Таксама пасля шасцігадовага перапынку авіякампанія адновіць палёты ў аэрапорт «Жукоўскі» Маскоўскай вобласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com