Алег Дашкевіч: Віктар мысліў нестандартна, вобразна і шчыра
3- 3.10.2013, 22:55
- 7,245
Кінарэжысёр Алег Дашкевіч пра свайго сябра Віктара Івашкевіча.
«У маёй памяці Віктар Івашкевіч застанецца чалавекам простым і глыбокім адначасова. Адзін з нямногіх, хто ў апазыцыйнай кагорце мысліў нестандартна, вобразна і шчыра. Да апошніх дзён, ён ставіўся да жыцця, з уласцівым яму пачуццём гумару, хоць гэта было ў ягоным стане складана. Чалавек, у прыватнах дачыненнях з якім ты разумеў, што Віця не здасць, не прадасць, не схібіць.Чалавек, з якім можна было ісці ў разведку. Чалавек, які жыў і сышоў годна. Бывай, дружа…», - сказаў Алег Дашкевіч «Нашай Ніве».
Адзін са стваральнікаў Беларускага Народнага Фронту, каардынатар грамадзянскай кампаніі «Еўрапейская Беларусь» і сябра аргкамітэта па стварэнні партыі «Беларускі рух» Віктар Івашкевіч памёр сёння ад працяглай хваробы. Палітык стаяў у чарзе на перасадку печані, аднак донара не знайшлі.
Фота: spring96.org