23 апреля 2024, вторник, 20:50
Поддержите
сайт
Сим сим,
Хартия 97!
Рубрики

Угодкі БНР: сучасны сімвалізм гістарычнай даты

2
Угодкі БНР: сучасны сімвалізм гістарычнай даты

Дзень Волі будзе дзяржаўным святам.

Станаўленне беларускай незалежнасці не скончанае. Справу, распачатую сто шэсць гадоў таму айцамі-заснавальнікамі Беларускай Народнай Рэспублікі, працягваюць сёння дзясяткі тысяч беларусаў, а спачуваюць ужо мільёны.

Я бы вельмі хацеў, каб у будучыні Дзень Волі быў звычайным дзяржаўным святам, і адзначаўся на роўні з Вялікаднем ці Раством.

Пакуль жа Дзень Волі адзін з сімвалаў барацьбы за незалежнасць, як і на пачатку ХХ ст – ад Расеі, і сімвал змагання за волю, то бок свабоду, для грамадзянаў.

Дзень Волі ў Беларусі адзначаецца ад 1990-га году. Тады ён быў сімвалам барацьбы за фактычную незалежнасць нацыянальнай дзяржавы Беларусі.

Аўтара назвы «Дзень Волі» – гэта мысляр, пісьменнік Сяргей Дубавец. Назву ён прыдумаў да спецвыпуску газеты «Свабода», якую рэдагаваў у 1990-м годзе.

У 1996 годзе з Дня Волі пачалася Менская Вясна – тры месяцы бесперапынных пратэстаў супраць рэжыму Лукашэнкі. Пратэстаў, якія прывялі да збору ста тысяч подпісаў за імпічмент Лукашэнкі.

Імпічмент праваліўся, грамадзянаў пачалі ўсё больш прыціскаць, і на пачатку «дзвюхтысячных» удзел у Дні Волі стаўся свайго кшталту ўзыходам на галгофу, як выказаўся хтосьці з маіх фрэндаў у фэйсбуку.

Выйсці на Дзень Волі – гэта быў смелы ўчынак, бо кожны ведаў, што можа быць збітым, і атрымаць «суткі».

За гады супраціву ў Беларусі ўтварыліся свае «брацтвы» і «сястрынствы» удзельнікаў Дня Волі. Можна было ігнараваць тыя ці іншыя партыйныя мітынгі, але Дзень Волі і праўда ператварыўся для шмат каго ў святы дзень. У своеасаблівы дзень Раства і Вялікадня Беларускай веры – разам.

Ha стагоддзе БНР у 2018 годзе абышлося без масавых затрыманняў. Але нават у атмасферы напругі, пад прыглядам узброеных людзей, толькі ў адным Менску праз святочную пляцоўку да Дня Волі прайшлі дзясяткі тысяч людзей.

Выключна той, хто жыў у дыктатарскай краіне, можа зразумець як гэта шмат. Бо паўтаруся – усе ведаюць, што на Дзень Волі ладзяцца «хапуны», таму не кожны можа сабе дазволіць рызыкаваць свабодай і здароўем. А пасля 2020 году мы ведаем, што і жыццём.

Ад усяго сэрца віншую адзінадумцаў з Днём Волі. Нас ужо мільёны тых, хто хоча скінуць дыктатуру і жыць вольна.

Жыве!

Севярын Квяткоўскі, «Радыё Рацыя»

Написать комментарий 2

Также следите за аккаунтами Charter97.org в социальных сетях