19 декабря 2018, среда, 9:35
Спасибо вам
Рубрики

Amnesty International начинает кампанию за свободу слова в Беларуси

1

Международная правозащитная организация Amnesty International начинает новый этап кампании за отмену статьи 193-1 Уголовного Кодекса РБ, согласно которому гражданские активисты за критическое отношение к власти могут быть оштрафованы либо приговорены к лишению свободы на срок до 2 лет.

Артыкул 193-1 дзейны ад сьнежня 2005 году, адпаведна ўказу Аляксандра Лукашэнкі. Ад таго часу шэраг грамадзкіх актывістаў былі папярэджаныя, аштрафаваныя і зьняволеныя, што парушае іх канстытуцыйнае права на свабоду выказваньняў, аб'яднаньня і сходаў, адзначаецца ў паведамленьні Amnesty International.

Amnesty International праводзіла кампанію за вызваленьне Зьмітра Дашкевіча, аднаго зь лідэраў арганізацыі “Малады Фронт”, асуджанага на 1,5 года пазбаўленьня волі па артыкуле 193-1 у лістападзе 2006 г. і вызваленага на пачатку студзеня 2008 г. Тады Amnesty International заклікала сваіх актывістаў ва ўсім сьвеце рабіць і дасылаць міністру ўнутраных справаў Беларусі папяровых журавоў-арыгамі. У выніку былі адасланыя больш за 11 тысяч папяровых птушак. Праваабаронцы перадалі непасрэдна супрацоўнікам міністэрства і вялізную птушку-арыгамі, зробленую у Мэксыцы, паведамляе “Радыё Свабода”.

Amnesty International адзначае, што беларускія ўлады адрэагавалі на міжнародную кампанію -- прысуды па артыкуле 193-1 сталі больш мяккімі, у бальшыні выпадкаў яны абмяжоўваліся вынясеньнем папярэджаньняў і штрафамі.

Каардынатар Amnesty International у Беларусі Вячаслаў Бортнік кажа, што “міжнародны ціск мае быць узмоцнены для таго, каб адмяніць цалкам артыкул 193-1 у Крымінальным кодэксе Беларусі, паколькі гэты артыкул перашкаджае актывістам грамадзянскай супольнасьці мірна ажыцьцяўляць іх права на свабоду выказваньняў, аб'яднаньняў і сходаў”.

“Amnesty International заклікае адмяніць артыкул 193-1, які парушае як Канстытуцыю Рэспублікі Беларусь, так і міжнародныя стандарты ў сфэры правоў чалавека”, -- заявіў Вячаслаў Бортнік, які заклікае усіх далучыцца да кампаніі праваабаронцаў дзеля адмены гэтага артыкулу.